Job Fair 2014

जीवनधाराच्या माध्यमातून पर्यावरणाचा संदेश देणारा ग्रीन होप, एस.एस.सी सराव परीक्षा, क्रीडा महोत्सव, नाट्य व चित्रकला स्पर्धा, दाखले वाटप आदी महत्वपूर्ण उपक्रम राबविले जातात. सलग चौथ्या वर्षी हा यशस्वी रोजगार मेळावा आयोजित करण्यात येतो आहे, असे समन्वयक आ.संदीप नाईक यांनी मार्गदर्शनपर भाषणात बोलताना सांगितले. या रोजगार मेळाव्यात नोकरी मिळविण्यास अपात्र ठरलेल्या उमेदवारांना रोजगार सहाय्यता केंद्राच्या माध्यमातून  नोकरी मिळविण्यासाठी मार्गदर्शन आणि प्रशिक्षण दिले जाणार आहे. त्याचबरोबर नोकरीसाठी पात्र ठरलेल्या उमेदवारांना त्यांच्या मोबाईलवर एसएमएसच्या आधारे कंपनीचे नाव व तेथील माहिती दिली जात असल्याचे आ.नाईक यांनी सांगितले. ‘कम्युनिकेशन स्कील आणि व्यक्तीमत्व विकास’ याविषयी मार्गदर्शन करून त्यांच्यातील उणीवा दूर केल्या जाणार आहेत. बेरोजगार तरुण-तरुणींसाठी हेल्पलाईन सुरु करण्यात आली असून त्या माध्यमातून बेरोजगार युवक-युवतींना मदत मिळणार असून त्यांनी त्याचा लाभ घेण्याचे आवाहन देखील आ.नाईक यांनी केले. ‘आधुनिक सिटी’ म्हणून नावाजलेल्या नवी मुंबईतील एकही तरुण बेरोजगार राहणार नाही यासाठी ‘जीवनधारा’ च्या माध्यमातून भविष्यात अभिनव संकल्पना  राबविण्याचा मानस ना.नाईक यांनी व्यक्त केला.

 

प्रतिक्रिया 

मी ठाण्यातील खारीगाव येथील देवता कॉलेजमध्ये शिक्षिका म्हणून काम करीत आहे. नोकरी करीत असताना मला चांगली नोकरी मिळावी यासाठी मी प्रयत्नशील होती. या रोजगार मेळाव्यात मी आल्यानंतर मला तात्काळ माझ्या भविष्याला उज्ज्वल करणारी नोकरी मिळाली. नेरूळ येथील एस.एस.हायस्कूलमध्ये मला मनासारखी नोकरी मिळावी याचा खूपच आनंद आहे. मी पालकमंत्री ना. गणेश नाईकसाहेब यांची आभारी आहे. – अरुणा देशमुख, रा. ऐरोली, उमेदवार

 

बारावी अनुत्तीर्ण आहे. परंतु मला नेहमीच चांगले काही करता यावे या उद्देशाने मी आयटी तंत्रावर आधारित अल्पकालीन प्रशिक्षण घेतले. गेल्या अनेक महिन्यांपासून मी नोकरी शोधली मात्र हाती निराशा आली. या रोजगार मेळाव्यात एकाच छत्राखाली रोजगाराच्या अनेक संधी उपलब्ध झाल्या होत्या. मी राहत असलेल्या रबाळे परीसरानजीकच्या भारत बिजली कंपनीत मला चांगल्या पगाराची नोकरी मिळाली आहे. – संतोष रावले, रा.रबाळे, उमेदवार

 

मी सर्वसाधारण कुटुंबातील आहे. मला काही तरी करायचे स्वप्न होते. त्या अनुषंगाने मी एमएससी मायक्रो-बायोलॉजीचे प्रशिक्षण पूर्ण केले. ठाण्यातील एका कंपनीत मी नोकरी देखील करीत होते. नवी मुंबईसारख्या औद्योगिक  नगरीत मला चांगल्या कंपनीत नोकरी मिळावी यासाठी मी प्रयत्नशील होते. ‘जीवनधारा’ च्या या रोजगार मेळाव्यात मी आल्यानंतर मला तात्काळ रबाळे येथील Galanty फार्मा कंपनीत मनासारखी नोकरी मिळाली याचा मला खूपच आनंद आहे.  -मनीषा साठे, रा.ऐरोली, उमेदवार

 

मी एक गृहिणी आहे. माझे शिक्षण ९ वी झाल्यानंतर मला पुढे शिक्षण घेता आले नाही. माझ्या लग्नानंतर माझी काम करीत शिकण्याची इच्छा पूर्ण करीत असून आता मी बारावीत आहे. कमी शिक्षण असल्यामुळे मला चांगली नोकरी मिळाली नव्हती. यापूर्वी मी अनेक ठिकाणी काम केले परंतु रोजगार मेळाव्यात आल्यानंतर मला नामांकित पटनी कंपनीत हाऊस कीपिंग सुपरवायझरची नोकरी पुन्हा मिळाली आहे. – साधना गाळव, रा.ऐरोली, उमेदवार

 

नोकरीची आवश्यकता सर्वांना असते. ‘जीवनधारा’ च्या रोजगार मेळाव्यात नोकरीचे अनेक पर्याय उपलब्ध होत आहेत. प्रत्येकाच्या आशा  पूर्ण करणारा असा हा रोजगार मेळावा आहे. खरोखरच पालकमंत्री नामदार गणेशजी नाईकसाहेब यांनी बेरोजगारांसाठी राबविलेला हा एक स्तुत्य उपक्रम आहे. – सचिन जयस्वाल, उमेदवार

 

१२ वी नंतर शिकण्याची खूप इच्छा होती. परंतु मला शिकता आले नाही. बारावीनंतर मी आयटी तंत्रावर आधारित अभ्यास केला. स्वतःहून केलेल्या जिद्दीमुळे मी आयटी तंत्रज्ञान आत्मसात केले परंतु नोकरी मात्र मिळत नव्हती. या मेळाव्यात आल्यानंतर चांगल्या नोकऱ्यांची संधी उपलब्ध झाली आहे. सी-वूड  येथील Safron Technology मध्ये आयटी क्षेत्राशी संबंधित नोकरी लागली आहे. ‘जीवनधारा’ चा हा रोजगार मेळावा माझ्यासाठी लकी ठरला आहे.

-महताप अलाप, रा.कोपरखैरणे, आयटी उमेदवार.

 

Back To News….